1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Mzozo wa Israel na HamasBundesligaKivuli cha Ukoloni wa Ujerumani
SiasaAfrika

Ukraine yaikosowa Mali kukata mahusiano

Babu Abdalla
5 Agosti 2024

Ukraine imekosoa hatua ya Mali kukata uhusiano wake wa kidiplomasia na Kyiv na kuuita kama “uamuzi usiiona mbali” na uliochukuliwa haraka bila ya kufanya uchunguzi wa kina.

https://p.dw.com/p/4j8NZ
Jeshi la Mali linalopigana na waasi wa Tuareg.
Jeshi la Mali linalopigana na waasi wa Tuareg.Picha: Getty Images/AFP

Ukraine imeeleza kuwa hakuna ushahidi wowote uliotolewa kuonyesha kuwa nchi hiyo imehusika kwa namna yoyote ile katika mapigano yaliyosababisha vifo vya wanajeshi wa Mali na mamluki wa kundi la Urusi la Wagner.

Wizara ya mambo ya nje ya Ukraine imetoa taarifa hiyo kwenye tovuti yake baada ya Mali kutangaza jana Jumapili kwamba inakata mara moja uhusiano wake na Kyiv baada ya msemaji wa shirika la ujasusi la kijeshi la Ukraine kukiri kwamba nchi hiyo ilihusika katika mapigano yaliyosababisha vifo vya wanajeshi wa Mali na wapiganaji mamluki wa Wagner.