1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Siasa

UNICEF: Mamilioni ya wasichana wadhalilishwa kingono

Saumu Njama
10 Oktoba 2024

Shirika la Umoja wa Mataifa la Kuwahudumia Watoto, UNICEF, limeripoti kwamba zaidi ya wasichana milioni 370 na wanawake wadogo wanabakwa au kudhalilishwa kijinsia kote ulimwenguni kabla ya umri wa miaka 18.

https://p.dw.com/p/4ldzT
UNICEF Foto des Jahres 2023 | Atefeh Alsadat Safavi Vanani
Picha: Atefeh Alsadat Safavi Vanani

Takwimu hizo zimechapishwa katika makadirio ya kwanza ya kimataifa ya ukatili wa kijinsia dhidi ya watoto kabla ya maadhimisho ya Siku ya Kimataifa ya Msichana kesho Ijumaa.

Data hizi zina maana kwamba msichana mmoja kati ya wanane ameathiriwa na aina hii ya unyanyasaji mbali na unyanyasaji wa kijinsia wa mtandaoni au wa maneno, idadi ya wasichana na vijana wa kike walioathirika duniani kote wameongezeka hadi milioni 650 au mmoja kati ya watano.