1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Wapinzani wataka kumg'oa kaimu Rais wa Korea Kusini

Iddi Ssessanga
27 Desemba 2024

Han Duck-soo alichukua nafasi ya kaimu rais kutoka kwa Rais Yoon Suk Yeol, ambaye alisimamishwa kufuatia kura ya bunge kuhusu hatua yake ya kuweka sheria ya kijeshi mnamo Desemba 3.

https://p.dw.com/p/4obh6
Kaimu Rais wa Korea Kusini Han Duck-soo
Waziri Mkuu wa Korea Kusini ambaye anakaimu nafasi ya rais anakabiliwa na hatari ya kuondolewa madarakani pia.Picha: Yonhap AP/picture alliance

Kaimu Rais wa Korea Kusini, Han Duck-soo, anakabiliwa na kura ya kumwondoa madarakani leo Ijumaa huku mzozo wa kisiasa ukizidi, baada ya Rais Yoon Suk Yeol kusimamishwa kufuati tangazo lake la sheria ya kijeshi mnamo Desemba 3.

Wabunge wa upinzani wanamtuhumu Han kwa kukwamisha mchakato wa kumwondoa Yoon kwa kukataa kuidhinisha majaji watatu wa Mahakama ya Katiba, ambao ni muhimu kwa uamuzi wa hatma ya Yoon.

Soma pia: Rais wa Korea Kusini aondolewa madarakani na Bunge

Iwapo atang'olewa, Waziri wa Fedha Choi Sang-mok atachukua nafasi yake, hatua ambayo itakuwa ya kwanza katika historia ya Korea Kusini kumwondoa kaimu rais, na itazidi kuyumbisha hali ya kisiasa.

Han anasisitiza kuwa ataidhinisha majaji hao endapo vyama vyote viwili vitafikia mwafaka kuhusu uteuzi wao.