1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaUlaya

Urusi inasema ilizuia njama ya kuuwawa afisa na mwanablogu

Sudi Mnette
28 Desemba 2024

Shirika la Usalama la Urusi (FSB) limesema limefanikiwa kutibua njama ya Ukraine kumuua afisa wa ngazi ya juu wa Urusi na mwanablogu anayeegemea upande wa Urusi kwa bomu lililofichwa kwenye spika ya muziki inayobebeka.

https://p.dw.com/p/4odsS
Russland | Ort der Explosion bei der Igor Kirillow, und sein Assistent getötet wurden
Eneo la mlipuko, ambao uliua kamanda wa askari wa ulinzi wa kemikali, kibaolojia na mionzi wa jeshi la Urusi, Igor Kirillov, na msaidizi wake. Desemba 17, 2024Picha: ALEXANDER NEMENOV/AFP via Getty Images

Shirika hilo ambalo linaendelea kazi ya lile lililokuwepo katika nyakati za lililokuwa Shirikisho la Usovieti, KGB, limesema raia mmoja wa Urusi alifanya mawasiliano kwa Telegramu na afisa wa shirika la kiintelijensia la Ukraine, GUR. FSB haikumtaja afisa au mwanablogu ambao walikuwa wanalengwa na njama hizo. Shirika la Ujasusi wa kijeshi la Ukraine GUR halikuweza kupatikana mara moja kuzungumzia tuhuma hizo. Itakumbukwa mnamo Desemba 17, idara ya ujasusi ya Ukraine, SBU, ilimuua kwa bomu kamanda wa kitengo cha kemikali na kibaolojia cha wanajeshi wa Urusi, Luteni Jenerali Igor Kirillov, mjini Moscow. Kyiv ilikuwa inamshutumu kwa kuendeleza matumizi ya silaha za kemikali zilizopigwa marufuku, jambo ambalo Moscow inalikanusha.