Viongozi waandamizi wa Marekani na China wamezungumza

Kulingana na afisa huyo, Sullivan alimweleza Wang Yi kwamba utawala wa rais Joe Biden unataka kuupa kisogo mvutano kati ya Washington na Beijing ulioshuhudiwa baada ya Marekani kulidungua puto kubwa la China kwa madai ya kuwa chombo cha kijasusi. Afisa huyo amesema kwenye mazungumzo hayo, pande zote mbili zimekiri kuwa kisa hicho cha mwezi Februari kilikuwa cha "bahati mbaya" na zimekubaliana kusonga mbele kwa kurejesha mawasiliano ya kawaida baina yao. Mkutano kati ya Sullivan na Wang haukutangwaza na pande zote mbili, lakini Washington imesema majadiliano ya maafisa hao waandamizi yalikuwa ya kirafiki na yenye manufaa.