1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMexico

Waandamanaji Mexico wazuia mjadala majaji kupigiwa kura

Rashid Chilumba
11 Septemba 2024

Makundi ya waandamanaji yamevamia majengo ya Seneti nchini Mexico na kuwalazimisha maseneta kusitisha mjadala juu ya mapendekezo tata ya rais anayeondoka madarakani ya kuruhusu wapigakura kuchagua majaji wa taifa hilo.

https://p.dw.com/p/4kU3C
Waandamanaji nchini Mexico wakiwa ndani ya ukumbi wa Baraza la Seneti
Waandamanaji nchini Mexico wakiwa ndani ya ukumbi wa Baraza la Seneti.Picha: Felix Marquez/AP/picture alliance

Picha za televisheni zimeonesha makundi ya waandamanaji wakiwa ndani ya ukumbi wa Seneti hali iliyomlazimisha rais wa baraza hilo la juu la kutunga sheria kuamuru vikao kusitishwa kwa muda usiojulikana.

Mpango huo wa Rais Andres Manuel Lopez Obrador, ambao wataalamu wanasema utaifanya Mexico kuwa nchi pekee duniani inayopiga kura kuwachagua majaji, umezusha maandamano makubwa ya umma, mtikisiko wa kidiplomasia na kuwatisha wawekezaji.

Rais Obrador ambaye anataka mpango huo upitishwe kabla hajakabidhi madaraka kwa rais mteule na mshirika wake wa muda mrefu Claudia Sheinbaum mnamo Oktoba, anasema mfumo wa sasa wa mahama unayaweka mbele maslahi ya wanasiasa na wafanyabiashara badala ya umma wa nchi hiyo.