1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Siasa

Wabunge Korea Kusini wamtimua rais wa pili katika wiki mbili

Iddi Ssessanga
28 Desemba 2024

Han, mtumishi wa muda mrefu serikalini aliyekuwa akihudumu kama waziri mkuu, alichukua nafasi ya Rais Yoon Suk Yeol mnamo Desemba 14, baada ya bunge kupiga kura ya kumwondoa Yoon madarakani kwa tuhuma za uchochezi.

https://p.dw.com/p/4odcd
Korea Kusini Seoul 2024 | Vurugu bungeni waakti wa kura ya kumshtaki Waziri Mkuu Han
Wabunge wa chama tawala walimzonga spika wa bunge kwa kuitisha kura hilo bila kuwepo theluthi mbili.Picha: Ahn Young-joon/AP Photo/picture alliance

Rais wa mpito wa Korea Kusini, Han Duck-soo, ameondolewa madarakani na wabunge jana, wiki mbili tu baada ya Rais Yoon Suk Yeol kusimamishwa kutokana hatua yake ya kutangaza sheria ya kijeshi.

Han alikabiliwa na madai ya uchochezi na kukataa kuteua majaji wa ziada katika Mahakama ya Katiba, jambo lililozidisha mgawanyiko wa kisiasa.

Soma pia: Mahakama ya Katiba ya Korea Kusini kuamua hatma ya Rais Yoel

Waziri wa Fedha Choi Sang-mok amechukua nafasi ya rais wa muda, akiahidi kuleta utulivu, wakati ambapo sarafu ya nchi hiyo, won, ikiporomoka kwa kiwango cha chini zaidi katika miaka 16 na thamani ya hisa kwenye soko la hisa la nchi hiyo, KOSPI ikiporomoka kwa asilimia 1.02.

Upinzani ulidai hatua za Han zilikiuka katiba na kuvuruga mchakato wa kisheria.