1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaMsumbiji

Watu 21 wauawa kufuatia ghasia za baada ya uchaguzi Msumbiji

Babu Abdalla
25 Desemba 2024

Watu wasiopungua 21, wakiwemo maafisa wawili wa polisi, wameuawa nchini Msumbiji katika saa 24 zilizopita kufuatia ghasia za baada ya uchaguzi ambazo zimetokea baada ya mgombea wa chama tawala kuthibitishwa kuwa mshindi.

https://p.dw.com/p/4oYtw
Maputo | Maandamano | Msumbiji
Waandamanaji wakimiminika barabarani mjini Maputo. Picha: Amilton Neves/AFP

Waziri wa mambo ya ndani Pascoal Ronda amewaambia waandishi wa habari jana jioni kwamba jumla ya matukio 236 ya vurugu yaliripotiwa kote nchini humo na kusababisha majeruhi ya watu 25 wakiwemo maafisa 13 wa polisi.

Ronda amesema makundi ya watu wenye silaha wameshambulia vituo vya polisi, magereza na miundombinu mengine na kwamba hadi sasa zaidi ya watu 70 wamekamatwa.

Soma pia:  Baraza la katiba laidhinisha matokeo ya uchaguzi Msumbiji

Waandishi wa shirika la habari la AFP wameripoti kuwa, mji mkuu wa Maputo uliokuwa na watu wachache hapo awali ulishuhudia makabiliano kati ya waandamanaji na polisi.

Mahakama ya juu kabisa ya taifa hilo ilithibitisha siku ya Jumatatu kwamba chama cha Frelimo kilichoko madarakani tangu mwaka 1975 kilishinda uchaguzi wa urais uliofanyika Oktoba 9.