Watu 9 wauawa katika mapigano, Darfur

Mashuhuda wamesema ufyatuaji risasi ulianza jana usiku katika eneo la Zalingei, mji mkuu wa Darfur ya Kati, baada ya mtu wa jamii ya Fur kuuawa na kuzusha mapigano makubwa. Msemaji wa shirika huru la misaada la Uratibu wa Wakimbizi Waliopoteza makaazi Adam Regal amesema watu waliokuwa na bunduki kutoka jamii ya Rizeigat waliwasili kwenye pikipiki katika kambi ya wakimbizi wa ndani mjini humo na kuwashambulia wakaazi wa Fur. Mapigano hayo yaliendelea usiku kucha hadi mapema leo. Machafuko ya kikabila hutokea mara kwa mara jimboni Darfur tangu kuzuka kwa vita vya wenyewe kwa wenyewe mwaka wa 2003. Kwa mujibu wa Umoja wa Mataifa, karibu watu 300,000 wameuawa na milioni 2.5 wameachwa bila makaazi.