1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
JangaJamhuri ya Kidemokrasia ya Congo

Watu wasiopungua 25 wamekufa ajali ya boti DR Kongo

Rashid Chilumba
18 Desemba 2024

Watu wasiopungua 25 ikiwemo watoto wamepoteza maisha baada ya boti iliyofurika abiria kuzama mtoni kwenye eneo la katikati mwa Jamhuri ya Kidemokrasia ya Kongo siku ya Jumanne.

https://p.dw.com/p/4oHSg
Jamhuri ya Kidemokrasia ya Kongo| Minova
Boti na mitumbwi inayobeba abiria Kongo hufurika watu na mizigo.Picha: ALEXIS HUGUET/AFP

Taarifa hizo zimetolewa na maafisa wa serikali na wakaazi karibu mkasa huo ulipotokea. Imeelezwa chombo hicho kilikuwa kimewabeba zaidi ya abiria 100 kilipong´oa nanga kutoka mji wa Inongo, unaokutikana upande wa kaskazini mashariki mwa mji mkuu wa Kongo, Kinshasa.

Kilizama mita chache kutoka eneo kilipoanza safari ndani ya mto Fimi na watu wengine wengi bado hawajapatikana. Sughuli za uokoaji zinaendelea huku kukiwa na wasiwasi kwamba idadi ya waliopoteza maisha huenda itaongezeka.

Ajali hiyo ni ya nne ndani ya mwaka huu kwenye jimbo la Mai-Ndombe, ambalo limezungukwa na mito mingi na watu hutegemea kwa sehemu kubwa usafiri wa majini