1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
MigogoroMamlaka ya Palestina

Watu zaidi ya 44,000 wauawa katika Ukanda wa Gaza

15 Desemba 2024

Wizara ya Afya inayosimamiwa na kundi la Hamas katika Ukanda wa Gaza imesema hii leo kwamba karibu watu 44,976 wameuawa katika vita vya zaidi ya miezi 14 sasa kati ya kundi hilo na Israel.

https://p.dw.com/p/4oAQG
Khan Younis
Moja ya eneo katika Ukanda wa Gaza lililoshambuliwa vibaya na IsraelPicha: Mohammed M Skaik/Avalon/picture alliance

Idadi hiyo inajumuisha vifo 46 vilivyotokea masaa 24 yaliyopita, imesema wizara hiyo.

Aidha watu 106,759 wamejeruhiwa kwenye Ukanda huo tangu kuzuka kwa vita hivyo, baada ya wanamgambo hao kuishambulia Israel, Oktoba 7, 2023.

Vita hivyo aidha vimesababisha idadi kubwa ya watu milioni 2.4 wa Gaza kuyakimbia makazi yao, na wengine wakikimbia zaidi ya mara moja.

Jeshi la Israel limekuwa likifanya mashambulizi makubwa kaskazini mwa Gaza kwa wiki kadhaa sasa, likisema linalenga kuzuia wanamgambo wa Hamas kujiunda upya.