Xi Jinping akutana na Sullivan Beijing

Mapema leo Sullivan alikutana na afisa wa ngazi ya juu wa jeshi la China, Jenerali Zhang Youxia, huku nchi hizo mbili zikiimarisha uhusiano wao katika juhudi za kuzuia tofauti katika Bahari ya China Kusini na Taiwan zisizidi na kuwa mzozo kamili.

Katika ziara yake ya siku tatu, Sullivan amekutana pia na Wang Yi, Waziri wa Mambo ya Nje wa China, na afisa mkuu wa sera za kigeni wa chama tawala cha Kikomunisti.

Jana, Ikulu ya Marekani ilisema nchi zote zinapanga mazungumzo kwa njia ya simu kati ya Rais Xi na Rais Joe Biden, katika wiki zijazo.

Ziara ya Sullivan nchini China, ina lengo la kuleta utulivu wa uhusiano baina ya nchi hizo mbili ili kuepusha migogoro.