بارش اور کراچی کی مویشی منڈی

کنگ خان نامی یہ بکرا گلابی نسل کا ہے۔ گلابی نسل عمومی طور پر پاکستان کے شہر میرپور خاص میں پائی جاتی ہے۔ یہ بھاری بھر کم بکرے عوامی توجہ کا مرکز بنے ہوئے ہیں۔ اس بکرے کی قیمت 4 لاکھ روپے ہے۔

پاکستان بھر میں جانوروں کی قیمتوں میں بہت زیادہ اضافہ ہوا ہے۔ مختلف شہروں میں اکثر لوگ اجتماعی قربانی کو ترجیح دے رہے ہیں۔

ترکی نسل کے اس دنبے کو مریم کیٹل فارم میں پالا گیا ہے۔ اس خوبصورت دنبے کی دیکھ بھال اور کھلائی پلائی پر ماہانہ 25 سے 30 ہزار کا خرچہ ہوتا ہے۔

اس جانور کا نام خلیفہ پاکستان ہے۔ یہ ساہیوال اور برہمن نسل کا جانور ہے، جسے تیار کرنے میں 5 سال کا وقت لگ جاتا ہے۔ اس جانور کو پالنے پر 50 سے 60 ہزار روپے ماہانہ خرچہ ہوتا ہے۔

فلاحی تنظیم جے ڈی سی قربانی کے لیے سفید سیاہ اور براؤں اونٹ لائی ہے، انہیں خوبصورتی سے سجایا گیا ہے۔ تاہم جانور کیچڑ میں بیٹھنے پر مجبور ہیں۔

سلطان نامی یہ جانور ساہیوال نسل کا ہے اور وزن میں یہ جانور کم و بیش 7 سے 8 من کا ہے۔

یہ کجلہ نسل کی بھیڑ ہے، جو پاکستان کے مختلف علاقوں میں پائی جاتی ہے۔ اس نسل کے جانور کو خصوصی دیکھ بھال کی ضرورت ہوتی ہے۔ اس کے لمبے گلابی کان اس کی مقبولیت کی وجہ ہیں۔

کراچی میں رانی پاکستانی کے نام سے مشہور اس گائی کی اونچائی 57 سینٹی میٹرہے۔ اس کے مالک کا دعویٰ ہے کہ یہ دنیا کی سب سے چھوٹی گائے ہے۔ اسے بادام، پستہ، اخروٹ کھلائے جاتے ہیں۔ اسے دیکھنے کے لیے دور دور سے لوگ آرہے ہیں۔

عام طور پر کراچی میں سپر ہائی وے پر لگائی جانے والے منڈی ہر سال بہت زیادہ رش رہتا تھا۔ تاہم اس سال بارش نے اس منڈی کی گہما گہمی کو کافی حد تک محدود کر دیا۔مستقل بارش کی وجہ سے کاروبار بھی بہت متاثر رہا۔