شراب نوشی کے بعد گاڑی چلانے پر رونی گرفتار

خبر رساں ادارے اے ایف پی نے برطانوی پولیس کے حوالے سے بتایا ہے کہ ایورٹن کے اسٹرائیکر وین رونی کو یکم ستمبر کی رات دو بجے ان کے گھر کے قریب سے حراست میں لیا گیا۔

بتایا گیا ہے کہ وہ مقررہ حد سے زیادہ شراب نوشی کے بعد گاڑی چلا رہے تھے۔ مقامی میڈیا کے مطابق رونی لندن کے شمال مغربی علاقے چیشائر میں اپنے گھر کے قریب ہی گرفتار کیے گئے۔

کیا وین رونی چینی کلب جوائن کر رہے ہیں؟

انگلش پریمیئرلیگ کا بہترین گول رونی نے کیا

رونی کی غیر موجودگی نئے کھالڑیوں کے لئے موقع ہے، لمپارڈ

پولیس کی طرف سے بتایا گیا ہے کہ اکتیس سالہ رونی کو بعد ازاں ضمانت پر رہا کر دیا گیا۔ اب وہ اٹھارہ ستمبر کو اسٹاک پورٹ مجسٹریٹ کی عدالت میں پیش ہوں گے۔

انگلش قومی ٹیم کی طرف سے سب سے زیادہ یعنی 119گول اسکور کرنے والے کھلاڑی رونی نے گزشتہ ہفتے ہی بین الاقوامی فٹ بال کو خیر باد کہا تھا۔ انہوں نے ترپن بین الاقوامی میچوں میں انگلش ٹیم کی نمائندگی کی اور کپتانی کے فرائض بھی سر انجام دیے۔

انگلش ٹیم کے کوچ گیرتھ ساؤتھ گیٹ نے گزشتہ ہفتے ہی انہیں پیشکش کی تھی کہ وہ ورلڈ کپ کوالیفانگ راؤنڈ کے سلسلے میں جمعے کے دن مالٹا کے خلاف کھیلے جانے والے میچ میں شرکت کریں لیکن رونی نے یہ دعوت قبول نہیں کی تھی۔

رونی تیرہ برس تک انگلش پریمئر لیگ میں مانچسٹر یونائٹڈ کی نمائندگی کرنے کے بعد ایک مرتبہ پھر ایورٹن ایف سی نامی اس کلب کا حصہ بن چکے ہیں، جہاں سے انہوں نے فٹ بال کھیلنا شروع کیا تھا۔

مانچسٹر یونائٹڈ کا حصہ ہوتے ہوئے انہوں نے اپنی ٹیم کو پانچ انگلش ٹائٹلز، ایک ایف اے کپ، تین لیگ کپس، یوروپا لیگ اور سن دو ہزار آٹھ کی چیمپئنز لیگ جتوانے میں بھی اہم کردار کیا تھا۔