لاہور میں تیسرا بین الاقوامی فیض میلہ

تین روزہ انٹرنیشنل فیض میلے کے پہلے دن اجوکا تھیٹر کی طرف سے ایک سٹیج ڈرامہ ’لو پھر بسنت آئی‘ پیش کیا گیا۔

بین الاقوامی فیض میلے کے دوران لاہور کے الحمرا آرٹس سینٹر کا ایک منظر

میلے کے دوران مختلف اشاعتی اداروں کی طرف سے کتابوں کے بہت سے سٹالز بھی لگائے گئے تھے، جہاں خریداروں کا بہت رش رہا۔

میلے کا اہتمام فیض فاؤنڈیشن ٹرسٹ اور لاہور آرٹس کونسل نے مشترکہ طور پر کیا۔

اس میلے کے دوران 70 سے زائد نشستوں میں سو سے زائد ماہرین نے فلم، آرٹ، موسیقی، ادب، فنون لطیفہ اور کئی دیگر امور پر اظہار خیال کیا۔ میلے کے دوران ایسی ہی ایک نشست کا منظر۔

فیسٹیول کے دوران معروف فنکارہ بشریٰ انصاری کے ساتھ ایک مکالمتی نشست بھی شائقین کی خصوصی توجہ کا مرکز رہی۔

تیسرے بین الاقوامی فیض میلے کے دوران مہمانوں کے لیے موسیقی کی کئی محفلوں کا اہتمام بھی کیا گیا۔

اس میلے کے پروگرام کی ایک خاص بات رقص کی کئی محفلیں بھی تھیں، جن میں سے کتھک ڈانس کو حاضرین نے خاص طور پر پسند کیا۔

میلے میں ایک نشست بچوں کے لیے مخصوص تھی، اس نشست میں گلگت بلتستان کا ایک بچہ لوک رقص کا مظاہرہ کرتے ہوئے۔

تین روزہ تقریبات کے دوران ہزارہا شائقین کو شعر و ادب اور فن و ثقافت سے متعلق بیسیوں مختلف نشستوں میں شرکت کا موقع ملا۔

اس میلے کے پروگرام کا ایک انتہائی دلچسپ حصہ فیض احمد فیض کی زندگی کے حوالے سے تصویروں کی ایک نمائش بھی تھی۔

تصویری نمائش میں شامل فیض احمد فیض کی ایک یادگار تصویر، جس میں وہ اپنے اہل خانہ میں سے چند کے ساتھ خوشگوار موڈ میں دکھائی دے رہے ہیں۔