پہاڑوں کی بہترین تصاویر کا مقابلہ

رواں برس جنوری میں میکسیکو کا کولیما آتش فشاں ابل پڑا تھا۔ فوٹو گرافر سیرگیو ٹاپیرو ولاسکو اس وقت اس پہاڑ سے صرف بارہ کلومیٹر ہی دور تھے۔ ان کی بنائی ہوئی اس تصویر کو مرکزی بہترین تصویر قرار دیا گیا ہے۔

ماؤنٹین ایکشن کیٹیگری میں پہاڑوں پر اسپورٹس پر توجہ مرکوز کی جاتی ہے۔ غروب آفتاب سے پہلے فوٹو گرافر پیٹرک شٹائنر اس کیٹیگری کی یہ بہترین تصویر بنانے کے لیے آسٹریا کے آرلبیرگ نامی پہاڑ پر موجود تھے۔

یونا زالخر نے یہ جادوئی تصویر اٹلی کے سیسیڈا نامی پہاڑی علاقے میں بنائی۔ ماؤنٹین نیچر کی کیٹیگری میں اسے پہلا انعام حاصل ہوا ہے۔

ویانا کے سلیک لائنرز آسٹریا کے دو پہاڑوں کے مابین لٹکے ہوئے ہیں۔ ٹیم اسپرٹ کیٹیگری میں سیباستیان والہوئٹر کی اس تصویر نے پہلا انعام حاصل کیا ہے۔ ہمالیہ میں پہاڑوں پر دعا اورامن کے لیے اس طرح کے رنگ برنگے جھنڈے لہرانے کی روایت ہے۔ والہوئٹر نے اسی روایت کو آسٹریا کے پہاڑوں پر متعارف کرانے کی کوشش کی ہے۔

ماؤنٹین فیس کیٹیگری میں ان تصاویر کو شامل کیا جاتا ہے، جو انسانی تاثرات کی کہانیاں بیان کرتی ہیں۔ پہلا انعام حاصل کرنے والی پہاڑی بچے کی یہ تصویر اینٹن یانکووی نے نیپال میں بنائی تھی۔

ایک رسی پر اپنے توازن کو برقرار رکھنے کی یہ کوشش اسٹیفن شلومف نے عکس بند کی ہے۔ پہلا انعام حاصل کرنے والی اس تصویر کے برعکس دوسرے نمبر پر آنے والی اس تصویرکے حوالے سے اضافی معلومات فراہم نہیں کی گئی ہیں۔

ٹیم اسپرٹ کیٹیگری میں ماؤرو گیمبیکورتی کی یہ تصویر دوسرے نمبر پر رہی ہے۔ یہ تصویر ظاہر کرتی ہے کہ آپ ایک ہی کوشش میں پہاڑ پر نہیں چڑھ سکتے۔

مائیکل سیمنی کی اس تصویر کو ماؤنٹین نیچر میں دوسرا انعام حاصل ہوا ہے۔

داریو فیرنانڈو کی اس خوبصورت تصویر کو ماؤنٹین واٹر کیٹیگری میں دوسرا انعام حاصل ہوا ہے۔

ماؤنٹین فیس کیٹیگری میں دوسرے نمبر پر رولنڈ رائنز ٹیڈلر کی یہ تصویر رہی، جو ایک عمر رسیدہ خاتون کی زندگی کو بیان کرتی ہے۔