کُردوں کے لیے جرمن فوجی امداد پہنچ گئی

عراق میں شدت پسند تنظیم ’عراق و شام میں اسلامی ریاست‘ کی دہشت پسندانہ کارروائیوں نے نہ صرف مشرق وُسطیٰ میں پریشانی کی لہر دوڑا دی ہے بلکہ مغربی ممالک بھی اس تنظیم کی شدت پسندانہ سوچ اور بڑھتی ہوئی دہشت گردانہ کارروائیوں کو اپنے لیے بڑا خطرہ گرداننے لگے ہیں۔

اسی باعث جرمنی سمیت متعدد مغربی ممالک نے اس تنظیم کے بڑھتے ہوئے اثر و رسوخ کو روکنے کے لیے اس کے خلاف بر سر پیکار قوتوں کو ہتھیار اور دیگر امداد فراہم کر کے ان کے ہاتھ مضبوط کرنے کا اعلان کیا ہے۔ اس مقصد کے لیے جرمنی سے پہلا کارگو جہاز فوجی ساز وسامان پر مبنی امداد لے کر آج جمعے کے روز عراقی کردستان کے دارالحکومت اربیل پہنچا ہے۔

جرمن فوج کے ایک ترجمان کے مطابق ایک روسی ’انتونوف‘ کارگو جہاز جرمن شہر لائبزش کے ایئرپورٹ سے روانہ ہوا۔ بھیجے گئے فوجی ساز وسامان میں زرہ بکتر اور ہیملٹس کے علاوہ بارودی سرنگوں کا کھوج لگانے والے آلات اور دیگر اسلحہ جات شامل ہیں۔ یہ سامان جرمنی کے شمال مشرقی شہر وارن کے آرمی کیمپ سے بھیجا گیا ہے۔ جرمنی کی طرف سے کُردوں کے لیے انسانی امداد اگست کے آخر میں بھیجی گئی تھی۔

ادھر آسٹریلیا کی طرف سے فوجی امداد عراقی کردستان بھیجنے کا سلسلہ جاری ہے۔ رائل آسٹریلین ایئرفورس کی طرف سے آج جمعے کے روز بتایا گیا ہے کہ اس نے ا4ذاکرات کر رہی ہیں تاکہ نامزد وزیر اعظم حیدر العابدی کی زیر قیادت ایک نئی حکومت کا قیام عمل میں لایا جا سکے۔

دوسری طرف اسلامک اسٹیٹ کے خودساختہ خلیفہ ابوبکر البغدادی کا ایک قریبی ساتھی اس تنظیم کے دیگر 50 جنگجوؤں سمیت شمالی عراق میں کی جانے والی ایک فوجی کارروائی میں ہلاک ہو گیا ہے۔ عراقی اخبار شفق نیوز نے یہ بات ملکی وزارت دفاع کے حوالے سے بتائی ہے۔

اقوام متحدہ کے ادارے یونیسف کے ایک ترجمان کے مطابق بغداد سے 180 کلومیٹر شمال میں واقع شہر امرلی کے رہائشیوں کو انسانی بنیادوں پر امداد کی اشد ضرورت ہے۔ اس شہر پر اسلام اسٹیٹ کے جنگجوؤں کا دو ماہ تک جاری رہنے والا قبضہ حال ہی میں ختم کرایا گیا ہے۔ امریکا کی طرف سے بتایا گیا ہےکہ اس کی طرف سے اسلام اسٹیٹ کے شدت پسندوں کے خلاف اب تک 127 فضائی حملے کیے جا چکے ہیں۔