گلگت بلتستان میں بس کھائی میں جا گری، 20 افراد ہلاک

جمعے کی علی الصبح گلگت بلتستان کے شہر چِلاس کے قریب ایک پہاڑی موڑ مڑتے ہوئے ایک بس گہری کھائی میں جا گری، جس کے نتیجے میں کم از کم 20 افراد ہلاک جب کہ دیگر 21 زخمی ہو گئے ہیں۔ خبر رساں ادارے اے ایف پی کے مطابق جمعے کی صبح پیش آنے والے اس واقعے کے بعد مقامی مساجد میں خون کے عطیات کی اپیلیں بھی کی گئیں۔

پاکستان: دو مسافر بسوں میں تصادم، کم از کم تیس افراد ہلاک

بلوچستان میں بس حادثہ، 22 افراد ہلاک

مقامی پولیس اہلکار عظمت شاہ کے مطابق حادثے کے بعد ریسکیو آپریشن جاری ہے، جب کہ زخمی ہونے والے 21 افراد میں سے پانچ کی حالت نازک ہے۔

اے ایف پی کے مطابق یہ بس راولپنڈی سے گلگت جا رہی تھی اور اس میں قریب چالیس مسافر سوار تھے۔ بتایا گیا ہے کہ ریسکیو آپریشن میں فوجی ہیلی کاپٹروں کا استعمال بھی کیا گیا۔ گلگت بلتستان کے وزیراعلیٰ دلبر خان کے مطابق دشوار گزار علاقے سے ہلاک شدگان اور زخمیوں کو نکالا جا چکا ہے۔ پولیس اس حادثے کی وجوہات کی تفتیش کر رہی ہے، تاہم خطے میں گزشتہ کئی ہفتوں سے جاری بارشوں، لینڈسلائیڈنگ اور سڑکوں پر پھسلن کے ساتھ ساتھ تیز رفتاری کو بھی اس حادثے کا موجب قرار دیا جا رہا ہے۔

ع ت، ا ا (ڈی پی اے، اے ایف پی)