ادب کے نوبل انعام کا حق دار کون؟

خبر رساں ادارے اے ایف پی کے مطابق اس دوڑ میں شامل دیگر بڑے ناموں میں کینیڈا سے تعلق رکھنے والی معروف مصنفہ ایلس مُنرو اور بیلا رُوس سے تعلق رکھنے والی نثر نگار سویتلانا الیکسی وِچ بھی شامل ہیں۔ اب یہ جاننے میں کوئی زیادہ دیر باقی نہیں کہ کون خوش قسمت رڈیارڈ کپلنگ، ارنسٹ ہیمنگ وے اور البرٹ کامیو جیسے نوبل انعام یافتہ ادیبوں کے قبیلے میں شامل ہونے جا رہا ہے۔

پیر کے روز سویڈش اکیڈمی کے مستقل سیکرٹری پیٹر اینگلُونڈ نے اپنے بلاگ میں تحریر کیا تھا،’’ہم فیصلہ کر چکے ہیں۔‘‘ تاہم اس سال کے لیے ادب کے نوبل انعام یافتہ ادیب کے نام کا اعلان جمعرات کے روز عالمی وقت کے مطابق صبح 11 بجے ہی کیا جائے گا۔

نوبل انعام کی دوڑ کا یہ مقابلہ سخت ہے۔ اگر ہارُوکی مُوراکامی اپنی مختلف تصنیفات کی وجہ سے دنیا بھر میں شہرت رکھتے ہیں۔ ان میں کافکا آن اور نارویجیئن وُوڈ خاصی مشہور ہیں۔موراکامی کے علاوہ بیلا روس کی نثر نگار سویتلانا الیکسی وچ بھی انعام حاصل کرنے والوں کی دوڑ میں آگے آگے خیال کی جا رہی ہیں۔ تین اہم ادیبو یعنی مُوراکامی، مُنرو سے ہٹ کر سویتلانا الیکسی وچ کو اس لیے زیادہ اہم خیال کیا جا رہا ہے کیونکہ وہ بیلا روس کے سخت گیر صدر لُوکاشینکو کی حکومت کی کڑی ناقد ہیں۔

64 سالہ جاپانی مصنف کی تحریروں میں اپنی قارئین کو متوجہ کرنے کے لیے کافی کچھ ہے۔ مُوراکامی کی کہانیوں میں جدید زندگی کے ہنگاموں میں تنہائی کا شکار ہوتے ہوئے انسان کی زندگی کے مختلف پہلوؤں کو موضوع بحث بنایا گیا ہے۔ ان کے ہاں یہ دیکھا جا سکتا ہے کہ کس طرح ’پاپ کلچر‘ انسانی زندگیوں میں پیچیدگیوں کو بھر رہا ہے۔ اگر مُوراکامی اس انعام کے حق دار قرار پاتے ہیں تو وہ ان کے لاکھوں چاہنے والوں کے لیے ایک خوشی کا موقع ہوگا۔ سن 2012ء میں ادب کا نوبل انعام چین سے تعلق رکھنے والے ناول نگار مو یان نے جیتا تھا۔

ان دنوں میں میڈین، فزکس اور کمیسٹری کے انعامات کا اعلان کیا جا چکا ہے۔ کل جمعے کے دن امن کے نوبل انعام کا اعلان کیا جائے۔ سن 1968ء سے نوبل انعام کے شعبوں میں معاشیات کے شعبے کا بھی اضافہ کر دیا گیا ہے۔ ان کی وصیت کے مطابق ہر سال طبیعات، کیمیا، طب، ادب اور امن کے شعبوں میں گراں قدر خدمات سر انجام دینے والی شخصیات کو اپنے اپنے شعبے میں نوبل انعام دیا جاتا ہے۔ نوبل انعام کی پہلی تقریب الفریڈ کی پانچویں برسی کے دن یعنی 10 دسمبر 1901 کو منعقد ہوئی تھی۔ نوبل انعام کے بانی الفریڈ نوبل سویڈن میں پیدا ہوئے لیکن انہوں نے اپنی زندگی کا بیشتر حصہ روس میں گزارا۔ ان کا انتقال سن 1896ء میں ہوا۔