افغانستان: ہر مالی مدد جمہوری معیارات سے مشروط ہو گی، جرمنی

امریکی صدر جو بائیڈن نے رواں ماہ کے وسط میں اعلان کیا تھا کہ واشنگٹن حکومت افغانستان سے اپنے سارے فوجی اس سال گیارہ ستمبر کو امریکا پر نائن الیون کے دہشت گردانہ حملوں کے بیس سال پورے ہونے سے پہلے نکال لے گی۔

غیرملکی افواج کے انخلاء کے بعد افغان خواتین کا مستقبل؟

عسکری انتظامی وجوہات کی بنا پر امریکا کا جرمنی پر دباؤ ہے کہ وہ بھی نیٹو کے رکن دیگر ممالک کی طرح ہندو کش کی اس ریاست سے اپنے فوجی واپس تو بلا لے گا، مگر برلن کو ایسا جولائی میں اور امریکا سے پہلے کر لینا چاہیے۔

افغانستان میں اب تک تعینات مغربی دفاعی اتحاد نیٹو کے فوجیوں کی تعداد 10 ہزار کے قریب ہے، جن میں بہت بڑی اکثریت امریکی فوجیوں کی ہے۔ نیٹو کی اس فورس میں شامل جرمن فوجیوں کی تعداد 1100 کے قریب ہے اور نفری کے لحاظ سے جرمنی امریکا کے بعد دوسرے نمبر پر ہے۔

غیر ملکی افواج کے انخلاء کے آغاز کا خیر مقدم کرتے ہیں، طالبان

ایک سچ جو 'طالبان بھی جانتے ہیں‘

اس تناظر میں افغانستان کے دورے پر گئے ہوئے جرمن وزیر خارجہ ہائیکو ماس نے آج جمعرات انتیس اپریل کے روز کابل میں کہا کہ مستقبل میں افغانستان کے لیے ہر قسم کی مالی امداد اس امر سے مشروط ہو گی کہ وہاں جمہوری معیارات کا خیال رکھا جائے۔

افغانستان: امریکی سفارت خانے کے ارکان کی واپسی شروع

ہائیکو ماس نے کہا، ''یہ بات طالبان بھی جانتے ہیں کہ یہ ملک جسے گزشتہ عشروں کے دوران لڑی جانے والی جنگوں کے نتائج کا آج تک سامنا کرنا پڑ رہا ہے، اسے بین الاقوامی مالی امداد پر کتنا زیادہ انحصار کرنا پڑتا ہے۔‘‘

جرمن وزیر خارجہ نے زور دے کر کہا، ''وہ تمام حقوق اور جمہوری معیارات جو اب اس ملک میں مسلمہ حقیقت ہیں، اگر طالبان نے ان کی نفی کی، تو پھر افغانستان کو ملنے والی بین الاقوامی امداد یقینی طور پر بند ہو جائے گی۔‘‘

طالبان وعدے وفا کریں، ترکی اور پاکستان

امریکی فوج گیارہ ستمبر تک افغانستان سے نکل جائے گی، بائیڈن

ہائیکو ماس کا ان کے اس بیان میں اشارہ سخت گیر حد تک مذہب پسند طالبان کی اس خواہش کی طرف تھا کہ وہ مستقبل میں کابل میں ملکی حکومت کا حصہ بننا چاہیں گے۔

ماضی میں انسانی حقوق اور حقوق نسواں کی نفی

جرمنی کی طرف سے کابل میں وزیر خارجہ ماس کو یہ بات اس لیے کہنا پڑی کہ ماضی میں جب 1996ء سے لے کر 2001ء تک افغانستان میں اقتدار طالبان کی حکومت کے پاس تھا، تو انہوں نے بہت سے بنیادی انسانی حقوق، خاص طور پر خواتین کے حقوق انتہائی محدود کر دیے تھے۔

یکم مئی تک غیر ملکی دستے نا نکلے تو حملے بحال، افغان طالبان

طالبان کی حکومت کا خاتمہ 2001ء میں امریکا کی قیادت میں بین الاقوامی فوجی مداخلت کے ساتھ ہوا تھا۔ تب سے طالبان عسکریت پسند کابل حکومت اور بین الاقوامی دستوں کے خلاف مسلسل مزاحمت کرتے آ رہے ہیں اور افغانستان کے وسیع تر علاقے آج بھی ان کے کنٹرول میں ہیں۔

م م / ب ج (اے ایف پی، روئٹرز)