بریگزٹ، بھارت اور برطانیہ

بریگزٹ کے حامیوں کا کہنا ہے کہ یورپی یونین سے علیحدہ ہونے سے برطانیہ کا امیج صرف براعظم یورپ تک محدود نہیں رہے گا بلکہ یہ عالمی تنشخص کا حامل ہو جائے گا۔ اس تناظر میں ’گلوبل بریٹن‘ کی ترکیب بھی میڈیا پر متعارف کرائی گئی۔ ان متحرک افراد کے مطابق یورپی یونین کے سائے نکل کر لندن حکومت اقوام عالم کے ساتھ منفرد انداز میں نئی تجارتی و سفارتی معاہدات کو تشکیل دی سکے گی۔

ایسی ہی سوچ بھارت میں بھی پائی گئی۔ وہاں بریگزٹ کے حامی یہ سوچ رکھتے تھے کہ سابق نوآبادیاتی حکمران ملک کے ساتھ بھارتی روابط کو بہت زیادہ ترقی حاصل ہونے کا ی‍قینی امکان ہے۔ مسلسل بڑھتی آبادی اور کسی حد تک معاشی افزائش کی وجہ سے اقوام متحدہ اور انٹرنیشنل مانیٹری فنڈ نے اندازہ لگایا ہے کہ یہ جلد ہی ساتویں بڑی اقتصادیات کا حامل ملک بن سکتا ہے۔ بریگزٹ کے مکمل ہونے کی صورت میں بھارت برطانیہ کے تعلقات کو خاص انداز میں دیکھا جا رہا تھا۔

سن 2016 میں بھارتی مصنوعات  کی پانچویں سب سے بڑی منزل برطانیہ تھا۔ یہ مجموعی بھارتی برآمدات کا 3.3 فیصد بنتا ہے۔ بھارت سے آگے برطانیہ کے ساتھ تجارت میں امریکا، متحدہ عرب امارات، ہانگ کانگ اور چین ہیں۔ برطانیہ کو فراہم کی جانے والی بھارتی برآمدات کا حجم 8.66 بلین امریکی ڈالر کے لگ بھگ ہے۔

بھارت برطانیہ بزنس کونسل کے چیف آپریٹنگ افسر کیون میک کول کا کہنا ہے کہ بظاہر بھارت اور برطانیہ کے تجارتی روابط کو احاطہ دینا قدرے مشکل ہے اور یہ اتنے مضبوط بھی نہیں جتنے خیال کیے جاتے ہیں۔ میک کول کے مطابق تجارتی تعلقات کی بنیاد دونوں ملکوں کی ایک دوسرے میں سرمایہ کاری اہم خیال کی جا سکتی ہے۔ بھارت کو برطانیہ کے بیس اہم تجارتی ممالک میں شمار کیا جاتا ہے۔

میک کول کا مزید کہنا ہے کہ برطانیہ اور بھارت میں سرمایہ کاری کا سلسلہ جاری رہنے کی وجہ سے تجارتی روابط کو اُس حد تک فروغ حاصل ہو نہیں پایا، جس کی پچھلے کچھ برسوں میں توقع تھی اور جس کے لیے کوششیں بھی کی گئیں۔ انہوں نے مزید وضاحت دیتے ہوئے کہا کہ دونوں ممالک کے سرمایہ کار سرمایہ کاری سے پیداوار اندرون ملک کھپانے کو زیادہ اہمیت دیتے ہیں۔ انہوں نے اس ضمن میں برطانیہ کے مشین ساز ادارے جے سی بی کی مثال دی، جو بھارت میں ایک بڑی مارکیٹ کا حامل ہے اور اس کی تیار کردہ مشینوں کی بھارت ایک بڑی منڈی ہے۔ جے سی بی نے بھارتی شہروں فرید آباد، جے پور اور ہریانہ میں فیکٹریاں لگا رکھی ہیں۔

آرتھر سولیوان