بلوچستان میں ٹرک حادثہ، 17 زائرین ہلاک

پاکستانی صوبے بلوچستانکے ضلع حب میں گزشتہ رات بدھ کو ایک روڈ حادثے میں کم از کم 17 افراد ہلاک اور 41 زخمی ہوگئے۔ حکام کے مطابق یہ مسافر عید الفطر کے موقع پر ایک ٹرک میں ایک مزار پر حاضری دینے جا رہے تھے۔

اس حوالے سے حب کے ڈپٹی کمشنر منیر احمد نے خبر رساں ادارے اے ایف پی سے گفتگو کے دوران 17 افراد کی ہلاکت کی تصدیق کرتے ہوئے بتایا کہ یہ حادثہ بدھ کی رات تقریباﹰ دس بجے پیش آیا۔

حادثے کی مزید تفصیلات دیتے ہوئے انہوں نے بتایا کہ تیز رفتاری کے باعث ایک موڑ پر ٹرک ڈرائیور کے قابو سے باہر ہو کر ایک کھائی میں جا گرا۔ ان کے مطابق حادثہ پیش آتے ہی "ڈرائیور فوراﹰ بس سے باہر کود گیا اور محفوظ رہا"۔

حب کے مرکزی ہسپتال میں تعینات میڈیکل سپرنٹنڈنٹ شوکت جلبانی نے بھی 17 افراد کی ہلاکت کی تصدیق کرتے ہوئے بتایا کہ زخمیوں میں سے اکثر افراد کو علاج کے لیے کراچی بھیج دیا گیا ہے۔

م ا (اے ایف پی)