جرمن شہر ڈوئسبُرگ میں بھگدڑ، 15 ہلاک درجنوں زخمی

جرمن شہر ڈُسلڈورف کے قریب ڈوئسبُرگ میں ہونے والی 'لوو پریڈ' میں پڑنے والی بھگدڑ کے وقت ہزاروں افراد ٹیکنوموسیقی پر رقص میں مصروف تھے۔

پولیس کمشنر یوئیرگن کیزکیمپر کے مطابق ابھی تک یہ معلوم نہیں ہوسکا ہے کہ اس بھگدڑ کی وجہ کیا تھی، تاہم ان کا کہنا تھا کہ اس موقع پروہاں شدید افراتفری دیکھی گئی۔

پولیس کمشنر نے مزید بتایا کہ مقامی وقت کے مطابق شام پانچ بجے جب یہ واقع رونما ہوا، اس سے کچھ دیر قبل ہی پولیس نے مزید لوگوں کو پہلے سے ہی بہت رش ہونے کی وجہ سے اس میدان میں داخل ہونے سے روک دیا تھا جہاں یہ 'لوو پریڈ' جاری تھی۔

رپورٹ : خبررساں ادارے/ افسراعوان