2023 ء میں جرمنی کی سڑکوں پر صرف 1.4 ملین الیکٹرک کاریں

فیڈرل موٹر ٹرانسپورٹ اتھارٹی کی رپورٹ کے مطابق جرمنی میں گزشتہ سال الیکٹرک کاروں کی تعداد میں تقریباً تین لاکھ چھیانوے ہزارکے اضافے کیساتھ بھی 1.41 ملین سے کم رہی ۔ اتھارٹی کے مطابق اس کا مطلب ہے کہ ہر 35 میں سے ایک کار خالص بیٹری سے چلنے والی برقی گاڑی (BEV) ہے۔

الیکٹرک گاڑیوں کے ٹائر آلودگی کے لیے ایک نیا درد سر

اگر آپ ان میں فیول والی دوہزاریا اس سے کچھ زائد گاڑیاں شامل کرلیں اورنو لاکھ بائیس ہزار پلگ ان ہائبرڈز بھی تویہ شرح دو اعشاریہ تینتیس ملین ہو گی۔  یعنی ہراکیس میں سے ایک گاڑی ، دوہزار بائیس کے مقابلے میں خالص الیکٹرک  کار تھی۔ جب اس میں تین لاکھ پچانوے ہزار سے کچھ کم گاڑیاں شامل کی گئیں تو اس کی تعداد دوہزار بائیس کے مقابلے میں کچھ زیادہ بنی۔ تاہم یہ تعداد بھی گزشتہ سال  نئی BEV رجسٹریشن کی تعداد سے نمایاں طور پر کم ہے۔ گزشتہ سال ایسی کُل رجسٹریشن کی  تعداد پانچ لاکھ چوبیس ہزار تھی۔

حکام کا اندازہ ہے کہ جرمنی میں رجسٹرڈ گاڑیوں کو بظاہر حادثات میں تباہ ہونے یا آوٹ آف سروس بتا کر بیرون ملک فروخت کیا گیا ہے ۔ حالیہ برسوں میں یہ امر واضح ہو گیا کہ الیکٹرک گاڑیوں کی تعداد میں اضافہ مزید سست روی کا شکار ہوگا کیونکہ  جزوی طور پران کی خریداری پر، پریمیم ختم کر دیا گیا ہے.

 

یورپی یونین میں 2035ء سے صرف الیکٹرک گاڑیاں استعمال ہوں گی

رواں سال جنوری اور فروری میں صرف پچاس ہزار سے کم بی ای وی کی نئی رجسٹریشن ہوئی جو گزشتہ سال کے اوسط اعداد و شمار سے کافی کم تھی ۔ تاہم 2023 ء کے آغاز میں پریمیم پرکٹوتیوں کے بعد ان گاڑیوں کی فروخت ابتدائی طور پر سست تھی۔

SUVs کا شمارجرمنی میں الیکٹرک کاروں کے سب سے بڑے گروپ میں ہوتا ہے ،جن کے پاس  ایک تہائی سے زیادہ چار لاکھ ستاسی ہزار رجسٹرڈ BEVs ہیں ، منی اور چھوٹی گاڑیاں بالترتیب  دولاکھ اڑتیس اور دو لاکھ پینتیس گاڑیوں کے ساتھ پیچھے ہیں ۔

مرسیڈیز گاڑیاں بنانے والی جرمن کمپنی کا نام بدل دیا جائے گا

SUVs برانڈز کے لحاظ سے،فولکس ویگن اب بھی برتری پر ہے۔ وولفسبرگ میں قائم کمپنی کی تقریبا دولاکھ سینتیس ہزار الیکٹرک گاڑیاں جرمنی میں رجسٹرڈ ہیں۔

ان کے بعد ٹیسلا ایک لاکھ چونسٹھ ہزاراور رینالٹ ایک لاکھ بیس ہزار کے ساتھ  دوسرے اور تیسرے نمبر پر ہیں۔ Hyundai بانوے ہزار گاڑیوں کے ساتھ چوتھے اور BMW  پچاسی ہزار رجسٹریشنز کے ساتھ  پانچویں نمبر پر ہے۔

ف ن/ ک م (ڈی پی اے)