خود کشی کی سوچ کو جنم دینے والا سر درد کس کو کہتے ہیں؟

ایک ہزار میں ایک انسان ایسا ہو سکتا ہے کہ جس میں خود کشی کی سوچ کو جنم دینے والا سر درد پایا جاتا ہو۔ یہ معلومات آدھے سر کے درد کا شعور دینے والے 'میگرین ٹرسٹ‘ نے اپنی ایک رپورٹ میں واضح فراہم کی ہے۔ اس رپورٹ کے مطابق یہ بنیادی طور پر ایک نیورولوجیکل مسئلہ بھی ہو سکتا ہے اور درد کی شدید حالت میں یعنی شدید سر درد کی لپیٹ میں آیا ہوا انسان خودکشی کرنے پر مجبور ہوسکتا ہے۔

سر درد ہو یا ہاضمہ خراب، سانپ کا گوشت کھائیں

سر درد میں ہی آدھے سر کے درد کو دردِ شقیقہ یا انگریزی میں میگرین بھی کہتے ہے اور ابھی تک اس حوالے سے میڈیکل سائنس پوری یا حتمی تحقیق مکمل نہیں کر سکی ہے۔ اس درد کے بارے میں آگہی و معلومات دینے والا ایک غیر منافع بخش ادارہ میگرین ٹرسٹ ہے جو اس میگرین بارے نئی تحقیق کی حوصلہ افزائی بھی کرتا ہے۔

ڈائنا واٹرلُو کا پیچیدہ معاملہ

ایسا شدید سر درد رکھنے والی ڈائنا واٹرلُو نے نیوز ایجنسی اے ایف پی کو بتایا کہ انہیں روزانہ کی بنیاد پر ہر آدھے گھنٹے بعد دس منٹ کے لیے شدید سر درد ہوتا ہے تو ایسا محسوس ہوتا ہے کہ کوئی شخص اسکریو ڈرائیور یا پیچ کس سے ان کی آنکھ میں سوراخ کر رہا ہے۔

ہسپتال میں حال ہی میں داخل رہنے کے دوران ان کے سر کے بال ختم کر دیے گئے تھے۔ وہ اس درد میں کئی سالوں سے مبتلا ہیں۔ صرف اکتیس برس کی عمر میں ان کے ایک درجن آپریشنز ہو چکے ہیں۔ وہ چودہ برس کی تھیں جب انہیں شدید سر درد پہلی مرتبہ ہوا اور پھر کبھی وہ صحت مند نہیں ہو سکی۔

اسپرین صحت کے لئے انتہائی مفید

اس درد کے باوجود وہ ایک خوشگوار اور بھرپور زندگی بسر کر رہی ہیں۔ انہوں نے انیس برس کی عمر میں شادی بھی اس شخص کے ساتھ کی جس کو پسند کیا تھا۔ ان کا ایک بیٹا اور ایک بیٹی بھی ہے۔ وہ ان کی پیدایش کو ایک معجزہ قرار دیتی ہیں۔

سن 2013 میں انہیں سر درد کا عارضہ لاحق ہوا اور ابھی تک  انہیں وقفے وقفے سے دن کے مختلف اوقات میں سر درد کا سامنا رہتا ہے۔ ڈائنا واٹرلُو نے سر درد کے لیے دستیاب بیس علاج کے طریقوں پر عمل کیا ہے لیکن ان میں سے کوئی بھی ان کو راحت اور فائدہ نہیں پہنچا سکا ہے۔

ان کا کہنا ہے کہ بعض ویک اینڈز بہت خوشگوار ہوتے ہیں اور بعض میں وہ کھڑا ہونے کے قابل بھی نہیں ہوتی لیکن ان کے شوہر اور خاندان پوری طرح ان کا خیال رکھنے کی کوشش کرتے ہیں۔

ع ح/ ب ج (اے ایف پی)