پاکستان میں ورچوئل فیشن ویک

کورونا وائرس کی وبا کی وجہ سے ماسک اور دستانے کے استعمال کو فیشن میں داخل کرنے کی یہ کوشش ڈیزائنر شمائل انصاری نے کی ہے۔

معروف ماڈل مہرین سید نے جنریشن کے ڈیزائنر حارث مسعود کی’لٹیرا‘ کے نام سے پیش کی گئی رنگ برنگی ساڑھی اور بھاری زیورات سے مزین کلیکشن متعارف کروائی۔ تمام ماڈلز گھروں پر تیار ہوکر اور وہیں اپنے کپڑوں کی تصویر کشی کروالی۔

نامور ماڈل فہمین انصاری نے ندا ازور کے تیار کردہ خالص مشرقی روایتی لباس کو کھلی فضاء میں پیش کیا۔ کیٹ واک کی فریحہ الطاف جنہوں نے یہ فیشن ویک تخلیق کیا ان کا کہنا تھا کہ اب ڈیجیٹل ہی مستقبل ہے جس کی جانب یہ پہلا قدم ہے۔

علیشہ خان گھر کی بالکونی میں ثانیہ مسکتیا کی نسبتاً سادہ اور گرمیوں کی مناسبت سے تیار کردہ ’یارا‘ پیش کرتے ہوئے۔ کسی ماڈل نے گھر کے گیراج کو چنا تو کسی نے بالکونی کو، اس طرح کوئی برآمدے یا راہداری میں محدود رہا۔

عالمی شہرت یافتہ ماڈل مشک کلیم سیاہ لہنگے اور شفاف چولی میں ملبوس گھر کی راہداری میں۔ یاد رہے کہ یہ ورچوئل فیشن ویک عید کے دنوں میں ہونا تھا مگر پی آئی اے کے طیارہ حادثے کی وجہ سے اس ملتوی کردیا گیا تھا۔

علی ذیشان ہی کی گرمیوں کے لیے دوسری تخلیق ایک سادہ، گلاب کے پھولوں سے سجی سفید قمیض جس کی نمائش مشک نے گھر کی کھڑکی سے لگ کر کی۔

اسماعیل فرید کے بنائے اس سر تا پا سیاہ لباس میں ایوارڈ یافتہ ماڈل حسنین لہری، گھر کے دالان میں ان منفرد انداز میں۔

ماڈل فاطمہ حسن نے روایتی مشرقی لباس جسے عاصم جوفا نے، اس موقع کے لیے بطورِ خاص تیار کیا تھا، پیش کرنے کے لیے بیٹھک کا انتخاب کیا۔

مشہور ڈیزائنر برینڈ ’کھاڈی‘ نے اس بار لوک انداز کے رنگ برنگے بہیمین انداز کا نتخاب کیا جسے ماڈل روبینہ خان نے پیش کیا۔

دہلیز پر لی گئی اس تصویر میں ماڈل راحمہ علی ماہین کریم کا بنایا ہوا براق لباس پیش کر رہی ہیں جسے سونے کے زیورات کے ساتھ مزید خوبصورت انداز دیا گیا ہے۔