پاکستان میں بڑی متحرک ٹیلی وژن انڈسٹری اور سیاسی مباحثے کی ثقافت کے باوجود کمزور بنیادی ڈھانچے کے باعث ڈیجیٹل شراکت داری محدود ہے۔ ای کامرس کے کمزور بنیادی ڈھانچے کا مطلب شہریوں کی شمولیت اور ڈیجیٹل جرنلزم کے لیے پائیدار جدت کے بزنس ماڈلز کی کمی ہے۔ اس سے پہلے کہ معاشرہ ان محدود وسائل سے ہی بھرپور فائدہ اٹھاتے ہوئے آزادی اظہار کے لیے آن لائن پلیٹ فارمز کا استعمال کرتا، حکومت نے سوشل میڈیا کو کنٹرول کرنے کے لیے قانون سازی کا عمل شروع کر رکھا ہے۔ ان قوانین کو اختلافی آوازیں دبانے کے لیے استعمال کیا جا رہا ہے۔ اس سے کئی لوگوں کے لیے انتہائی زہریلا ماحول پیدا ہو چکا ہے، خاص طور پر خواتین اور اقلیتوں کے لیے۔