پاکستان کے مفادات اولین ترجیح ہیں، چوہدری احمد مختار
6 مارچ 2008
پاکستان پیپلز پارٹی کی جانب سے وزارت عظمی کے لئے ایک نام چوہدری احمد مختار کا بھی ہے۔ چوہدری احمد مختار نے حالیہ انتخابات میں ، پاکستان کے سابق وزیر اعظم اور مسلم لیگ ق کے رہنما چوہدری شجاعت حسین کو شکست دی تھی۔ گزشتہ دنوں چوہدری احمد مختار کے حوالے سے ایک بیان شائع ہوا جس میں جس میں انہوں نے کہا کہ اقتدار کی کرسی سنبھالنے کے بعد پیپلز پارٹی پاکستان کی جانب سے کشمیر کے موقف میں مذید لچک پیدا کرتے ہوئے بھارت سے باہمی تعلقات کو فروغ دے گی۔ سیاسی مبصریں چوہدری احمد مختار کے اس بیان کو پرویز مشرف کی طرف جانب سے کشمیر پالیسی کا تسلسل قرار دے رہے ہیں ۔ڈوئچے ویلے سے خصوصی بات کرتے ہوئے چوہدری احمد مختار نے کہا کہ پیپلز پارٹی صرف وہی اقدامات اٹھائے گی کہ جو پاکستان کے حق میں ہونگے۔ پیپلز پارٹی نے ہمیشہ ایسا ہی کیا ہے اور وہ آئندہ بھی ایسام ہی کرے گی۔