’پنجاب اسمبلی اسلامی نظریاتی کونسل کی تجاویز قبول نہ کرے‘

پنجاب اسمبلی کی رکن عظمیٰ بخاری کا کہنا ہے کہ ایسا معلوم ہوتا ہے کہ اسلامی نظریاتی کونسل نے پنجاب اسمبلی کے ’تحفظ خواتین بل‘ کے مقابلے میں اپنی سفارشات پیش کی ہیں۔ وہ کہتی ہیں کہ اسلامی نظریاتی کونسل کی سفارشات میں بہت سے معاملات پر بات کی گئی ہے لیکن یہ سفارشات کہیں سے بھی عورتوں کو تحفظ فراہم نہیں کرتیں بلکہ ان کے اثرات خواتین کو تحفظ فراہم کرنے کے برعکس ہوں گے۔