کوہ سلیمان سے آنے والا سیلاب مظفر گڑھ اور ڈیرہ غازی خان میں تباہی مچاتا سندھ کی طرف رواں

بستی لکھا، یونین کونسل حاجی پور، ضلع راجن پور میں ایک تباہ شدہ مکان۔ ریسکیو ٹیمیں ابھی اس تباہی کا ابتدائی تخمینہ لگانے کی کوششیں کر رہی ہیں۔

سیلاب کا ایک بڑا ریلہ پوری بستی جھنڈا گوپنگ کو بہا کر لے گیا۔

ضلع راجن پور کے علاقے حاجی پور میں سیلاب نے نظام زندگی کو پوری طرح درہم برہم کر دیا۔

بستی تو اجڑ گئی مگر مویشیوں کو قدرت نے بچا لیا۔ اس گھر کی اب صرف ایک دیوار ہی کھڑی ہے، وہ بھی لرزتی ہوئی۔

جنوبی پنجاب کے پسماندہ ترین ضلع راجن پور میں سیلاب سے سب سے زیادہ اور بہت وسیع پیمانے پر تباہی ہوئی، جس کے نتیجے میں کئی تحصیلوں میں بنیادی ڈھانچہ بری طرح متاثر ہوا۔

ضلع ڈیرہ غازی خان میں تونسہ سے تعلق رکھنے والے اس گھرانے کے ارکان کو ریسکیو 1122 کے امدادی کارکنوں نے بچایا۔ ایک ریسکیو کشتی کے ذریعے متاثرین کو محفوظ مقام تک پہنچانے کی کوشش۔

دوآبہ فاؤنڈیشن کے ڈپٹی مینیجر سیلاب سے ہونے والے نقصانات کا اندازہ لگانے کی کوشش میں۔ یہ فاؤنڈیشن 1987ء سے دریائی علاقے کے مقامی باشندوں کو ریسکیو کارروائیوں کی تربیت دے رہی ہے۔

پاکستان میں سیلاب جیسی کسی بھی قدرتی آفت سے بچاؤ کے لیے ضروری اقدامات کی تربیت کی بہت کمی ہے۔

تربیت یافتہ رضاکار بڑے بڑے بکسوں کو پانی سے بچا کر نکالنے کی کوشش میں، اپنی مدد آپ کی بنیادوں پر انخلا کی کوششیں جاری ہیں۔