Adadin 'yan gudun hijira yana karuwa a duniya
June 18, 2015
Babban jami'in Majalisar Dinkin Duniya mai kula da 'yan gudun hijira Antonio Guterres ya bayyana cewa rikice-rikice da ake fuskata a kasashen duniya, da gazwa da aka yi na samar da mafita sun haifar da 'yan gudun hijira kimanin milyan 60.
A cikin rahoton shekara-shekara da ya gabatar a birnin Geneva na kasar Switzerland jami'in ya ce an samu lamari kamar lokacin yakin duniya na biyu, inda a shekarar da ta gabata aka samu mutane milyan 59 da rabi a matsayin 'yan gudun hijira, wasu a cikin kasashensu yayin da wadanda suka tsallaka kan iyaka, kuma kasashen Siriya, da Somaliya, da kuma Afghanistan ke kan gaba wajen yawan 'yan gudun hijira a duniya.
Sannan ga 'yan gudun hijira da suka samun tsallaka tekun Bahar Rum kasashen Italiya da Girka, da Jamus da Sweden ke kan gaba a wurin da 'yan gudun hijira ke neman zama a Turai.