Za a yi wa wasu mayakan Taliban 900 afuwa

Da yake jawabi ga manema labarai mai magana da yawun rundunar tsaron Afghanistan Javid Faisal, ya ce akwai matukar mahimmanci a kara wa'adin tsagaita wutar da ke karewa a yau, a wani mataki na kawo karshen zubar da jini.

A karshen watan Ramadana ne kungiyar ta Taliban ta sanar da tsagaita wuta domin samun damar gudanar da shagulgulan sallah. Hakan kuwa ya zo ne kwanaki kalilan bayan wakilin Amirka a shirin samar da zaman lafiya Afghanistan din Zalmay Khalilzad ya kai ziyara biranen Kabul da ma Doha na Daular Katar.