Taliban ta kai hari a Afghanistan

Rahotanni sun nunar da cewa harin wanda tuni kungiyar Taliban ta dauki alhakin kai shi, na zuwa ne jim kadan bayan da jakadan musamman na Amirka a Afghanistan din Zalmay Khalilzad ya yi wani taro da mamhukuntan kasar, da kuma aka yada a gidajen talabijin dangane da batun tattaunawar da suke kan yi da 'yan kungiyar ta Taliban, domin cimma yarjejeniyar da za ta kai ga ficewar kimanin sojojin Amirkan 5,000 daga kasar cikin watanni biyar. Wannan hari dai an kai shi a wani waje da ake kira da "Green Villege" inda mafi akasari ofisoshin kungiyoyin bayar da agaji da kuma na jakadanci kasashen waje suke. Dama dai "Green Villege" ya saba da fuskantar munanan hare-haren ta'addanci daga kungiyar ta Taliban.