1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaGabas ta Tsakiya

Taliban: 'Yan Afghanistan sun sauka a Amirka

Zaharaddeen Umar
July 30, 2021

'Yan asalin Afghanistan 200 sun isa Amirka a wannan Juma'a. Ayarin mutanen na kunshe da 'yan Afghanistan da suka yi wa sojojin Amirka ayyukan tafinta tare da iyalansu a zaman shekaru 20 da sojojin Amirka suka yi a kasar.

https://p.dw.com/p/3yLIy
Kabul, Afghanistan | ehemalige Helfer der US Armee protestieren vor US Botschaft
Hoto: Mariam Zuhaib/AP Photo/picture alliance

Da ma dai tun da farko gwamnatin Shugaba Joe Biden ta yi alkawarin tsugunnar da dubban 'yan Afghanistan da suka yi wa sojojin Amirka aiki kuma suke tsoron kada a kai musu harin huce takaici a yanzu da Amirkan ta fara janye dakarunta a kasar. 

A cikin wata sanarwa da Joe Biden ya fitar ya ce mutanen da suka fara sauka Amurka a wannan Jumma'a zangon farko ne na mutanen da Amirka ta kuduri aniyar dawo da su kasarta domin su rayu cikin kwanciyar hankali biyo bayan barazanar da suke fuskanta daga mayaka a Afghanistan.

Kawo yanzu dai kusan 'yan Afghanistan 20,000 ne da suka yi wa sojojin Amirka aikin tafinta ke bukatar Amirka ta ba su izinin shiga kasarta don tsira daga barazanar da suke fuskanta a cikin gida.