1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An ayyana dokar ta baci kan cutar Corona

Zulaiha Abubakar
January 31, 2020

Hukumar Lafiya ta Duniya ta ayyana dokar ta baci kan cutar Coronavirus, wacce a yanzu ta fantsama tsakanin kasashe da dama a kasa da mako guda, tare da haifar da asarar rayuka cikin kankanin lokaci.

https://p.dw.com/p/3X4e6
Schweiz Genf | Pressekonferenz WHO - Tedros Adhanom Ghebreyesus Ruft Gesundheitsnotstand wegen Coronavirus aus
Hoto: Getty Images/AFP/F. Coffrini

Yayin ayyana dokar ta bacin, shugaban Hukumar Lafiyar ta Duniya WHO Tedros Adhanom Ghebreyesus ya nunar da yadda wannan annoba ta haifar ta fargaba tsakanin al'ummar sauran kasashe. Daga nan sai ya jaddada aniyar hukumar lafiyar ta ci gaba da yaki da cutar ta corona domin gudun billar ta a kasashen da suke da rauni a bangaren kula da lafiya.

Kasar Chaina ta tabbatar da kamuwar mutanen da yawansu ya kai 9,692 bayan mutuwar wasu 213 yayinda akalla 43 ke cikin mawuyacin hali, mafiya yawan wadanda cutar ta kama na zaune ne a birnin Wuhan da ke yankin Hubei na kasar.

Yanzu haka dai masana lafiya sun bayyana samun billar cutar a kasashen Faransa da Japan da Jamus da Kanada da Koriya ta Kudu da kuma Vietnam.