1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An binne Paparoma Benedict na 16 a Vatican

Mouhamadou Awal Balarabe
January 5, 2023

An gudanar jana'izar tsohon Paparoma Benedict na 16 a dandalin St. Peter's da ke birnin Rome a karkashin jagorancin magajinsa Paparoma Francis, kuma a gaban dubun-dubatan mutane ciki har da shugabannin kasashe.

https://p.dw.com/p/4LlnX
Beerdigung Papst Benedikt XVI
Hoto: Antonio Calanni/ASSOCIATED PRESS/picture alliance

An dora Bible a kan akwatin gawar Benedict na 16 kafin a bai wa limaman cocin Katolika damar yin bankwana da tsohon Paparoma, wanda ya rasu a ranar asabar da ta gabata. Daga bisa ne kuma aka binne shi PaParoma na farko da ya yi murabus a cikin karni shida, a wani kabari da ke cikin fadar Vatican.

Wannan dai shi ne karon farko cikin tarihin baya-bayannan da Paparoma mai ci ya halarci jana'izar magabacinsa. Baya ga shugaban kasar Jamus Frank-Walter Steinmeier da shugaban gwamnatin tarayya Olaf Scholz da suka su halarci jana'izar, akwai tawaga daga mahaifar Benedict na 16 daga jihar Bavaria, karkashin jagorancin gwamna Markus Söder.