An kama daruruwan masu bore a kasar Kenya

Madugun adawa Raila Odinga ya jagoranci ire-iren wadannan boren tun daga watan Maris inda ya ke kalubalantar gwamnati a kan halin da kasar ke ciki.

Ministan harkokin cikin gida Kithure Kindiki ya ce masu boren sun far fasa shaguna da kona gine-ginen gwamnati. 

Shugban kasar Kenya William Ruto a ziyarar da ya kai yankin Kericho ya bayyana cewar kasar ba ta bukatar yamutsi da tashin hankali.

Mahukuntan Kenya na zargin madugun adawa da da rura wutar rikicin da ke neman barkewa a kasar.