1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye

An sa ranar gurfanar da shugabannin ƙungiyar 'Yan uwa Musulmi a gaban kuliya

August 4, 2013

Nan da makonni uku shugaban ƙungiyar 'Yan uwa musulmi da mataimakansa da wasu mambobi za su fuskanci shari'a bisa zarginsu da haddasa tashe-tashen hankula

https://p.dw.com/p/19Jem
GettyImages 153307230 Mohammed Badie, the head of Egypt's Muslim Brotherhood, holds a press conference in Cairo on November 9, 2010, with members of different Egyptian political groups (unseen) under the slogan “Stopping Elections Fraud Is A National Duty'. The Muslim Brotherhood, which controls a fifth of parliament, has accused the government of arresting dozens of its members since it announced it would run for election. AFP PHOTO/STR (Photo credit should read -/AFP/GettyImages)
Mohammed BadieHoto: AFP/Getty Images

A wannan lahadin ne wata Kotu a Masar ta sanya ranar da jagororin ƙungiyar 'Yan uwa Musulmi zasu gurfana a gaban ƙuliya, a wani matakin da ake hangen zai iya harzuƙa magoya bayan hamɓararren shugaba Mohammad Mursi.

Wannan ya zo ne daura da ganawar muƙadashin sakataren kula da harkokin wajen Amirka William Burns da shugaban rundunar sojin ƙasar Abdel Fatah al-Sisi a wani yunƙuri na gano bakin zaren warware rikicin siyasar ƙasar.

Jagorar ƙungiyar ta 'yan uwa musulmi Mohammad Badie wanda a yanzu haka yake ɓuya da mataimakansa biyu Khairat al Shater da Rashad Bayoumi waɗanda ke gidan kason Tora da ke Alƙahira na fuskanatar zargin harzuƙa mutane wajen janyo tashe-tashen hankulan da yayi sanadiyyar rayukan wasu.

Za su gurfana a gaban kuliyar ne ranar 25 ga wannan wata na Ogosta tare da wasu 'yan ƙungiyar uku waɗanda ake zargi da kashe masu zanga-zanga

Mawallafiya: Pinaɗo Abdu Waba

Edita: Usman Shehu Usman