An yi gangami kan muhalli a Jamus

Gangamin da ake yi wa lakabi da Fridays for Future wanda shi ne irinsa na farko da aka yi a birnin ya hada kan dalibai akalla dubu arba'in kuma wanda suka shaida faruwarsa sun ce shi ne mafi girma da aka taba gani a kasar.

Daliban dai sun yi gangamin ne a gaban filin wasan nan na Tivoli a Aachen din wanda ke kusa da wajen da ake hakar Ma'adanin Kwal a kasar wanda shi ne waje mafi girma a nahiyar Turai da ake fidda sinadarin Carbon Dioxide da ke gurbata muhalli.

Mai magana da yawun wanda suka shirya gangamin Fridays for Future na yau Cornelia Theuer ta ce an samu wakilcin dalibai daga kasashe bakwai wanda suka hada da Holland da Beljiyam da Faransa da Burtaniya.