1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

Hanyoyin neman mafita ga tattalin arzikin Jamus

Suleiman Babayo LMJ
November 5, 2024

Gwamnatin kawancen Jamus tana tattauna mafita kan manufofin tattalin arziki, a wani matakin kare kasar daga fadawa cikin rikicin siyasar da zai iya rusa gwamnatin kawancen.

https://p.dw.com/p/4mexj
Deutschland | Christian Lindner, Robert Habeck und Olaf Scholz
Jagororin gwamnatin kawancen Jamus Christian Lindner, da Robert Habeck da kuma Olaf Scholz shugaban gwamnatiHoto: Frederic Kern/Geisler-Fotopress/picture alliance

Jam'iyyun siyasa uku da ke cikin gwamnatin kawancen Jamus suna ci gaba da tattaunawa a wannan Talata, domin samun matsaya kan yadda za a samu manufofin tattalin arzikin kasar, abin da zai janyo hana rushewar gwamnatin kawancen, a daya daga cikin kasashe mafiya karfin tattalin arziki na duniya.

Karin Bayani: Volkswagen zai kori dubban ma'aikata

A wannan Laraba mai zuwa kuma za a ci gaba da tattaunawar tsakanin bangarorin a majalisar dokoki domin samar da kasafin kudin da duk bangarorin uku za su amince da shi, abin da ke zama gagarumin matakin ganin dorewar gwamnatin kawancen tsakanin jam'iyyar SPD mai matsakaicin ra'ayin gaba-dai gaba-dai, da jam'iyyar FDP mai ra'ayin jari hujja, da kuma jam'iyyar the Greens mai ra'ayin kare muhalli.

Shugaban gwamnatin Jamus, Olaf Scholz na jam'iyyar SPD yana da fata kan cimma matsaya tsakanin jam'iyyun da ke cikin gwamnatin kawancen.