1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An ki amincewa da kada kuri'a kan Brexit a Birtaniya

Mohammad Nasiru Awal ATB
October 21, 2019

Da a ranar Asabar ya kamata majalisar dokokin Biratniya ta kada kuri'a kan yarjejeniyar Brexit, amma sai aka kada kuri'ar jinkirta amincewa da yarjejeniyar domin hana shiga rudu a kan batun na Brexit.

https://p.dw.com/p/3RfUw
England Brexit Parlamentssprecher John Bercow
Hoto: picture-alliance/empics/House of Commons

Firaministan Birtaniya Boris Jonshon ya sake fuskantar koma baya a majalisar dokokin Birtaniya, inda kakakin majalisar John Bercow ya ki amincewa majalisa ta kada kuri'a kan sabuwar yarjejeniyar ficewar kasar daga Kungiyar Tarayyar Turai EU.

Kakakin ya ce dalilin wannan mataki da ya dauka shi ne babu canji a cikin daftarin da wanda gwamnati ta gabatar a ranar Asabar.

Ya ce: "A takaice kudurin na yau daidai yake da na ranar Asabar wanda kuma tuni majalisa ta yanke hukunci a kai. Hakazalika halin da ake ciki bai canja ba. Saboda haka na yanke hukuncin cewa ba za a yi mahawara kan kudurin a yau ba."

Da a ranar Asabar ya kamata majalisar dokokin ta kada kuri'a kan yarjejeniyar ta Brexit a wani zama na musamman da ta yi, amma sai suka kada kuri'ar jinkirta amincewa da yarjejeniyar domin hana shiga rudu a kan batun na Brexit.