Bahasi kan harin ta'addanci a London

A birnin London yau ne aka fara jin bahasi kan harin ta'addanci da aka kai birnin shekaru biyar da suka gabata. Ana gudanar da bahasin ne domin dubu ko da akwai matakan da ya kamata hukumomin tsaro na 'yan sanda da jami'an leƙen asiri su ɗauka, wanda da ya hana kai harin. Bahasin ya biyo neman da iyalan waɗanda harin ya shafa suka nemi a yi hakan. Wannan dai shi ne karo na farko da za'a gudanar da jin bahasi a bainal jama'a tun bayan kai harin na ranar bakwai ga watan Yulin shekara ta 2005. Aƙalla mutane 52 suka rasu a harin na birnin London.

Mawallafi: Usman Shehu Usman

Edita: Mohammad Nasiru Awal