1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Binciken Trump: Fiona Hill ta fasa kwai

Abdullahi Tanko Bala
November 22, 2019

Tsohuwar Jami'ar Trump a kasar Rasha Fiona Hill ta jaddada cewa Rasha ita ce ta yi wa Amirka kutse a zaben 2016 ba Ukraine ba.

https://p.dw.com/p/3TViw
USA Impeachment Fiona Hill und Fiona Hill
Hoto: AFP/Getty Images/D. Angerer

Tsohuwar jami'a a fadar shugaban Amirka Fiona Hill ta fasa kwai yayin da ta ke bada ba'asi a cigaba da binciken tsige shugaba Donald Trump.

Hill ta shaidawa kwamitin binciken cewa babban jakadan Amirka a tarayyar Turai Gordon Sondland tamkar dan koren gida ne wanda aka sanya aike domin bin diddigin 'yan Demokrats. Wannan bayani dai ya bada mamaki da kuma sage gwiwar masu kare shugaba Trump a kwamitin binciken.

Bugu da kari Fiona Hill ta kuma bukaci yan Republican da shi kansa shugaba Trump da cewa su daina yaudarar al'umma ta ce an bar jaki ana duka taiki, Rasha ita ce ta yi wa Amirka kutse a zaben 2016 amma ba Ukraine ba.