Yunkurin inganta dangantakar Amurka da Saudiyya

A wannan Talata, Sakataren harkokin wajen Amurka Antony Blinken, zai kai wata ziyarar aiki a kasar Saudiyya, ziyara da ake wa kallon a matsayin kokarin inganta dangantaka a tsakanin kasashen biyu bayan rashin jituwa kan batutuwa da dama.

Sai dai kafin soma ziyarar ta Blinken, jaridar The New York Times da ake wallafawa a kasar Amurka ta ruwaito cewa, Yarima Muhammad Bin Salman mai jiran gadon sarautar Saudiyyan, ya nemi Amurka ta ginawa kasarsa tashar makamashin Nukiliya a madadin kulla cikkakiyar hulda da Isra'ila, lamarin da Amurkan ke ci gaba da nazari a kai.