Fashewar wasu abubuwa a arewacin birnin London

Mutane 36 suka ji rauni amma daukaci ba rauni mai tsanani ba sakamakon fashewar wasu abubuwa da aka ce hadari ne a wani wurin ajiye mai dake kusa da birnin London. ´Yan sanda sun ce 4 daga cikin su sun samu munanan raunuka, to amma Howard Borket-Jones, daraktan asibitin West Hertfordshire ya ce mutum biyu kadai ne raunin su yayi tsanani kuma za´a ci-gaba da yi musu magani a asibiti. ´Yan sanda sun ce hadari ne ya haddasa fashewar abubuwan, to amma duk da haka sun ce za´a gudanar da bincike kafin a iya tabbatar da hakan.