1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

IS na kara samun galaba

October 6, 2014

Kungiyar IS ta kafa tutarta a kan wani dogon gini da ke gabashin garin Kobani, garin da 'yan kungiyar ke ta gwabza fada tsakaninsu da dakarun Kurdawa.

https://p.dw.com/p/1DR6l
Hoto: Aris Messinis /AFP/Getty Images

Kamfanin dillancin labarai na Reuters da kuma ofishin rundunar sojojin Turkiya sun ruwaito cewa kungiyar ta IS ta kafa tutarta a gabashin garin na Kobani da ke kan iyakar Siriya. Wani jami'in soja na kasar Turkiya da ya nemi a sakaya sunansa ya sanar da cewa ana iya ganin bakar tutar 'yan IS a daf da inda suka gwabza kazamin fada tsakaninsu da dakarun Kurdawa a garin na Kobani. Wannan dai na zuwa ne a dai-dai lokacin da Amirka ke ci gaba da jagorantar kasashe masu yawa wajen yin barin wuta a yankunan da 'yan IS din suka mamaye a kasashen Siriya da Iraki, a kokarin da suke na dakile ayyukansu.

Mawallafiya: Lateefa Mustapha Ja'afar
Edita: Pinado Abdu Waba