1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Italiya da Libiya sun dawo da sufurin jiragen sama

Fauziyya Dauda
September 30, 2023

A karon farko cikin shekaru 10, kasashen Italiya da kuma Libiya da rikici ya daidaita sun dawo da harkokin sufurin jiragen sama a tsakaninsu.

https://p.dw.com/p/4X0Gw
Filin jirgen sama na Mitiga da ke birnin Tripoli a kasar Libiya
Filin jirgen sama na Mitiga da ke birnin Tripoli a kasar LibiyaHoto: Reuters

Hukumomi a Libiya na cewa tuni jirgin MT522 na kasar ya tashi daga filin jirgin sama na birnin Tripoli zuwa birnin Rome. Ana kuma sa ran ya sake dawowa Tripoli a wannan Asabar din. A yanzu dai kasashen biyu sun cimma matsayar cewa, kamfani guda na jirgin sama zai rika zirga-zirga tsakanin biranen biyu.

Italiya dai da wasu kasashen yammacin Turai sun dakatar da zirga-zirgar jiragen sama daga Libiya da ke arewacin Afirka tun bayan kisan tsohon shugaban kasar Moammar Gadhafi a shekarar 2011.

Karin bayani: Libya: Shekaru 10 bayan kifar da Ghaddafi

Dama dai a watan Yulin wannan shekarar ce, firanministar Italiya Giorgia Meloni ta sanar da dage takunkumin sufurin da kasar ta kakabawa Libiya.