Tsohon sojin Siriya ya sami daurin rai da rai

Kotun ta sami Anwar Raslan da kashe mutane 27 a gidan yarin Al-Khatib dake birnin Damascus.

An zartar da hukuncin ne karkashin dokokin kasa da kasa da suka da suka bada damar yi wa mutanen da ake tuhuma da laifukan yaki shari'a a wasu kasashe.

Wannan shine karon farko da kotun dake Koblenz a Jamus ta yanke irin wannan hukunci kan laifukan cin zarafin al'umma a Siriya.

Raslan mai shekaru 58 da haihuwa ya musanta azabtar da jama'a ko kuma bada umarnin azabtar da su.

An aikata laifukan ne a tsakanin shekarun 2011 da 2012 lokacin farkon yakin basasar Siriya.