1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Jamus: Gwajin allurar rigakafin Corona

Binta Aliyu Zurmi
April 22, 2020

Cibiyar samar da allurai da magunguna Paul Ehrlich ta Jamus, ta baiyana amincewa wani kamfanin Biontech na kasar da ya fara gudanar da gwajin allurar rigakafin cutar Coronavirus a kan mutane. 

https://p.dw.com/p/3bGSG
Deutschland | Corona-Test | Symbolfoto
Hoto: picture-alliance/dpa/C. Hardt

Wannan shi ne gwaji na hudu a fadin duniya na samfurin maganin kariya game da cutar Corona. A matakin farko na gwajin, za a gudanar da shi ne a kan mutane masu koshin lafiya kimanin 200 wadanda shekarunsu ya kama daga 18 zuwa 55 kafin daga bisani gwajin ya kai ga mutane da ke da hadarin kamuwa da cutar.

Kamfanin na Biontech ya sanar da cewar nan bada jimawa ba za a fara wannan gwajin.

Kawo yanzu dai kasashe na ta fadi tashin ganin sun sami rigakafin wannan annobar. Kasar Amirka ma na gab da fara irin wannan gwajin a kan mutane.