Japan: Komawa kamun babban kifin Whale

Wannan mataki da kasar Japan ta dauka na komawa kamun wannan kifi da aka fi sani da suna dabbar Whale da Turancin Ingilishi ko kuma baleine a Turancin Faransance shekaru 30 bayan dakatar da wannan sana'a, na matsayin kalubalantar masu fafutukar kare wannan nau'in kifi a duniya. 

Dama dai Shekaru da dama ke nan da kasar ta Japan ke fakewa da hujjar binciken kimiyya wanda wani sashen dokar haramta kamun wannan kifi ya tanada, domin ci gaba da kamun dabbar Whale din.A wannan karon dai ta fito fili ta sanar da bin sahun wasu kasashen kamar Island da Norway wajen komawa sana'ar kamun wannan babban kifi da ke zama mafi girma a duniya.